Afrinpost-Taybet
Nûçegihanê Afrinpostê yê li navçeya Cindirêsê ragihand ku milîsên “El-Hemzat” ên dagirkeriya Tirkî û Ixwan Mislimîn, xwediyê jeneratoreke elektirîkê yê gundekî navçeyê bi cav kirin.
Milîsan xwediyê jeneratorê ji ber ku pênexist, girt û îşkence kir.
Niştedagîrên “El Hemzat” 60 mal ji gund dagir kirine û heqê ampêran nedane xwediyê jeneratorê. Ji ber vê û ji ber pirbûna deynan li ser wî, weke heqê sotemeniyê, jenerator pênexist.
Têkildarî wê çekdar û malbatên wan ên niştedagîr li gund, bajarokên herêma Efrînê, heqê fatûreyên av, kehrebe û xizmetên şaredariyê nadin.
Saziyên dagirkeriyê jî bi zanabûn tenê heqê kehrebeyê ji şêniyên kurd ên resen dibin.
