AFRINPOST-Taybet
Milîsên dagirkeriya Tirkî dizî û takankirina werzên zeytûnan ên şêniyên Kurd li Efrînê dewam dikin. Lê zêde bacan jî bi rê û rêbazên cuda li ser xwediyên zeytûnan disepînin.
Di vê çarçoveyê de nûçegihanê Afrinpostê li navçeya Raco ragihand ku yl bi navê Şadî sermilîsê Sultan Mihemed “El-Fatih” li gundê Mamila, nîvê zeyta Kurdên ku çinîna darên xwe radestî nasên xwe kirine, desteser dikin û destnîşan kir ku ew zeytê li gorî lîsteyeke amadekirî li guvaştgehê desteser dikin.
Milîsên “Feyleq El-Şam” jî bacan bi qasî 50% li ser berhemên koçberên gundê Dîkê yê navçeya Bilbilê sepandin ku ew jî herî kêm du teneke zeyt bûn.
Li gundê Hêkiçê yê navçeya Şiyê jî, milîsên “El-Weqas” bac bi qasî 25% li ser berhema zeytê ya giştî sepand, lê zêde nirxên tenekeyên vala jî ku 4000 e, avêtin ser şêniyan, her wiha baca qaşo parastina zeviyên zeytûnan jî ji şêniyan standin.
