AFRINPOST-Taybet
Duh roja Înê bi nîvro, bombeyeke destan bi çekdarekî milîsên dagirkeriya Tirkî li Cindirêsê teqiya ku ew rasterast hat kuştin û zarokek jî birîndar bû.
Di vê derbarê de nûçegihanê Afrinpostê ragihand ku çekdar mayîn danîbû nava xwe û bi şaştî fitîla wê kişand û teqiya, ew yekser hat kuştin lê nasnameya wî nehat zanîn.
Di heman çarçoveyê de li taxa Eşrefiyê ya bajarê Efrînê, şeva Pêncşemê 24’ê Kanûnê, teqemeniyek li dorhêla dibistana Meyselon teqiya û di encamê de 3 niştedagîr birîndar bûn, 2 ji wan ji parêzgeha Dêra Zorê bûn.
