Afrinpost-Taybet
Dagirkeriya Tirkî û milîsên wê yên Îslamî gundên navçeya Şêrawa û Şehbayê her çend rojan bi armanca peydakirina tirs û nedilrihetiyê di navbera koçberên Efrînê de û pêkanîna ziyanên mirovî û madî topbaran dike.
Di vê çarçoveyê de nûçegihanê Afrinpostê li Şehbayê ragihand ku dagirkeriya Tirkî roja Çarşemê bi dehan top li gundê Hirbil, Umhûş û Til Qirahê yên herêmên Şehbayê xistin.
Li gorî nûçegihan mal û milkên sivîlan ji ber topbaranê zirar dîtin.
Topbarana herî dawî ya dagirkeriyê 5’ê Nîsanê bû ku gundê Şêx Hîlal ê navçeya Til Rifetê û Kefer Naya bi giranî topbaran kir.
